快要瘋的日子(1)

(再次容許我用廣東話吧)

......搬入新屋都已經一段長時間啦..........
基本上...所有嘢都已經習慣了........
除左一樣........
就係........................我阿婆.....

本身我唔係同佢一齊住嘅.....
佢係同我姨媽住嘅........
但係因為一d嘢...令到佢同我姨媽鬧左場交............
仲死都要搬入老人阮忝...
我阿媽知道....當然唔想啦~
又見新屋都有位俾佢住....
咁就叫左佢過嚟啦~

我地搬左入去一兩星期左右.....
佢先搬過嚟住........
開頭日日都好正常.......好似好好咁........
但係日子耐左.....恐怖嘅嘢開始出現......

恐怖事件no.1 : 阿婆vs阿爸

每一日我阿婆都會洗衫, 曬衫, 淋花, 之類啦...
但係....每一日我阿爸就會話佢好曬晒d衫係花園.....淋花淋到成地濕晒......之類啦~
兩個水火不容......
不過........水同火之間....仲有一樣嘢....
我可以稱佢為海綿. 不但要給水, 仲要俾火烘, 完完全全夾左係中間......佢係邊個?
就係一時又係我阿爸嘅老婆,又係我阿婆個女嘅身份......即係我阿媽...
每一日我爸會向我媽投訴我婆.....同時~每一日我婆亦都會走向我媽投訴我爸.....
(同時~我亦都會向阿媽投訴...佢地兩個好煩)

恐怖事件no.2 : 在開餐前/後....

每一日我阿婆都會煮嘢食同當然嘅係食嘢啦...
但係.....每一日早d都會將d雪左入雪櫃嘅嘢攞出嚟..........
睇落都好正常丫~溶雪係要d時間嘅~
重要嘅係!佢拎嘅唔係一d雪入冰箱嘅嘢.......
而係一d隔夜飯同餸.......
有時早成3-4個鐘就已經拎左出嚟....放左係廚房.......
係!只係放姐!係冇經任何加熱嘅過程...
(或許可以講係..以室溫嚟加熱啦)

每一日飯後......
所有飯餸亦都只會將係廚房....唔會放入雪櫃...........


恐怖事件no.3 : 創意十足的菜餚

基本上每一日阿婆都會自己煮嘢食.....
但係......所有材料都係我同我媽買的........可以講係佢想煮咩都得.........
所以有時......會出現一d...富有十足創意嘅菜......
有d咩?........講左你一定好想試......
就搵呢個星期嚟講啦.......
我見到有兩款十分創新嘅大作........

四味雙料煮糖心番薯

材料: 金沙骨, 雞扒, 雞翼, 糖心番薯
四味: 黑椒, 蒜容, 蜜汁, 辣味
煮法好簡單, 只需要將所有材料炒成一碟, 至全熟, 即可

(所有都係bbq完留底未燒嘅嘢...蜜汁金沙骨,蒜容雞扒,黑椒雞翼, 蒜容雞翼, 辣味雞翼)
........................................................愛(嘔)心的味道......

水煮白蘿蔔

材料: 發霉白蘿蔔兩個
先將蘿蔔放在室溫至到發霉, 用膠袋裝起, 放入雪櫃雪凍, 刨皮切片, 用水和油煮至8成熟, 即可

(今日岩岩發生, 我已經將發霉白蘿蔔扔左入垃圾桶嫁啦...但係.....嘔~~)

以上都係事實....只係一個星期姐.........................................
.......我已經兩度反胃啦........

之前仲有......金沙骨湯....排骨炆苦節瓜....仲有...好多呀.....


(待續...............)